"Telegram"ın qurucusu Pavel Durova qarşı cinayət işi açılıb.
7News.Az "Komsomolskaya Pravda" qəzetinə istinadən xəbər verir ki, Durovun hərəkətləri terror fəaliyyətinə kömək etmək ittihamı ilə bağlı cinayət işi çərçivəsində araşdırılır.
Rusiyada bir sıra terror hücumlarının, o cümlədən doqquz yüksək rütbəli Rusiya hərbçisinin ölümü və dörd nəfərin yaralanmasının "Telegram" vasitəsilə həyata keçirildiyi iddia edilir.
Həmçinin iddia edilir ki, 2022-ci ildən bəri FSB hərbçilərə, dövlət məmurlarına, rəy liderlərinə və infrastruktur obyektlərinə qarşı "Telegram"da hazırlanan 475 terror hücumunun qarşısı alınıb.
