ABŞ Böyük Britaniyadan İsrail hava bazasına 10-dan çox F-22 çoxməqsədli qırıcı təyyarə göndərib.
"Ölkə.az" bu barədə "The Times of Israel" (TOI) qəzetinə istinadla xəbər verir.
Nəşrin məlumatına görə, Britaniya Krallığının şərqindəki Leyknhit Hərbi Hava Qüvvələri Bazasından 12 qırıcı təyyarə havaya qalxıb, lakin daha sonra texniki nasazlıq səbəbindən biri geri qayıdıb.
Əvvəllər bildirilirdi ki, ABŞ 17 fevralda Vaşinqton və Tehran arasında nüvə danışıqlarının ikinci mərhələsi heç bir irəliləyiş olmadan başa çatdıqdan sonra İran yaxınlığındakı mövcudluğunu artıraraq Avropa və Yaxın Şərqdəki bazalara 150-dən çox təyyarə köçürüb.
23 fevralda Yunanıstanın Krit adası sahillərində müşahidə edilən USS Gerald R. Ford gəmisində onlarla əlavə təyyarə var. Ford Yaxın Şərqə göndərilən ikinci təyyarədaşıyan gəmidir və onun gəlişi o deməkdir ki, bütün aktiv ABŞ gəmilərinin təxminən üçdə biri hazırda bölgədədir.
Elvin
Ölkə.az
