Bizimyol saytından alınan məlumatlara görə, ain.az xəbər verir.
Gürcüstan hakimiyyəti Böyük Britaniya tərəfindən sanksiya edilmiş "İmedi" və "Pos TV"nin hüquqlarının qorunmasını təmin etmək üçün əlindən gələni edəcək.
Bizimyol.info xəbər verir ki, bu barədə Gürcüstanın Baş naziri İrakli Kobaxidze açıqlama verib.
"Gürcüstan hakimiyyəti söz azadlığı və media azadlığı da daxil olmaqla televiziya şirkətlərinin hüquqlarını tam qoruyacaq və hər bir jurnalistin hüquqları da tam qorunacaq", - deyə Baş nazir bildirib.
Kobaxidze jurnalistlərə bildirib ki, bəzilərinin ümid etdiyi kimi, heç bir jurnalistin Gürcüstanda fəaliyyəti məhdudlaşdırılmayacaq.
Dünən Böyük Britaniya hakimiyyətinin Gürcüstan hökumətyönlü "İmedi" və "Pos TV" telekanallarını sanksiya siyahısına əlavə etdiyi açıqlanıb. Böyük Britaniya Xarici İşlər Nazirliyi tərəfindən dərc edilmiş sənəddə iddia edilir ki, bu kanallar Ukrayna münaqişəsi ilə bağlı "qəsdən yanlış məlumat yayıblar".
Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
