"Liverpul" rəhbərliyi müdafiə xəttində yarana biləcək boşluğu doldurmaq üçün alternativ planlarını hazırlayıb.
Fanat.Az xəbər verir ki, mərkəz müdafiəçisi İbrahima Konate azad agent kimi komandadan ayrılarsa, onun yerinə Jaka Biyolun transferi nəzərdə tutulur.
İngiltərə mətbuatının məlumatına görə, "Lids"in futbolçusu Jaka Biyol "mersisaydlılar"ın əsas transfer hədəflərindən biridir. Klub skautları sloveniyalı müdafiəçinin performansını uzun müddətdir ki, analiz edir və onun sistemə uyğun olduğunu bildirirlər.
Konatenin müqavilə vəziyyəti qeyri-müəyyən qaldığı üçün Biyol ən real namizəd kimi görünür.
