ain.az, Olke.az portalına istinadən məlumatı açıqlayır.
"The Times" qəzetinin yaydığı sensasion materiala görə, pedofil maliyyəçi kimi tanınan Cefri Epşteyn insan alveri məqsədilə Böyük Britaniya hava limanlarından tranzit nöqtəsi kimi istifadə edib.
Ölkə.Az-ın məlumatına görə, ABŞ Ədliyyə Nazirliyinin açıqladığı “Epşteyn işi” sənədlərinə istinadən bildirilir ki, o, ABŞ–Böyük Britaniya marşrutu üzrə gənc qadınlar üçün dəfələrlə uçuşlar təşkil edib.
Dərc olunan materiallara 2019-cu ildə Manhetten həbsxanasında ölümünə qədər Epşteynin ölkəyə giriş-çıxışlarını əks etdirən uçuş sifarişləri, yanacaq qəbzləri və reys qeydləri daxildir. Sənədlər göstərir ki, Böyük Britaniyadan və ya bu ölkə vasitəsilə qadınlar üçün kommersiya uçuşları 2019-cu ilin iyun ayına – onun həbsindən cəmi bir ay əvvələ qədər davam edib.
Hazırda Britaniyanın altı polis qurumu mümkün insan alveri faktlarını araşdırır. Epşteynin “Lolita Express” kimi tanınan təyyarəsinin həm kommersiya hava limanlarına, həm də Kral Hərbi Hava Qüvvələrinin bazalarına – o cümlədən RAF Northolt – eniş etdiyi bildirilir.
Keçmiş Baş nazir Qordon Broun təcili araşdırma aparılmasını tələb edib. O, "The New Statesman" nəşrinə müsahibəsində sənədlərdə Britaniya ilə bağlı 90 uçuşun qeydə alındığını, bunlardan 15-nin Epşteynin 2008-ci il məhkumluğundan sonrakı dövrə aid olduğunu vurğulayıb.
Araşdırmalar zamanı məlum olub ki, Epşteynin köməkçisi Lesli Qroff maliyyəçinin son həbsindən bir ay əvvəl Rusiya vətəndaşı üçün Londondakı Hitrou hava limanından Nyu-Yorka uçuş təşkil edib. Yazışmalarda marşruta “bron edilməmiş” otel əlavə olunması və bir qadın üçün geri dönüş bileti görüntüsü yaratmaq məqsədilə “saxta uçuş” təşkil edilməsi kimi detallar da yer alır.
Qroffun vəkilləri isə daha əvvəl müştərilərinin heç bir qanun pozuntusuna şahid olmadığını bildiriblər.
Sənədlər göstərir ki, Epşteyn Rusiya pasportu ilə Böyük Britaniyaya giriş və daha sonra ABŞ-a uçuş imkanları barədə aviasiya mütəxəssisləri ilə məsləhətləşib.
Qalmaqalın miqyası isə indi Britaniya hüquq-mühafizə orqanlarının araşdırmalarından asılı olacaq.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
