BAKI, 26 fevral. TELEQRAF
“Rusiya “Azərbaycan Hava Yolları”na (AZAL) məxsus sərnişin təyyarəsinin qəzası ilə əlaqədar iki ölkənin liderlərinin əldə etdiyi bütün razılaşmaları həyata keçirmək üçün ardıcıl olaraq çalışır”.
Teleqraf xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova bildirib.
Xatırladaq ki, Bakı-Qroznı marşrutu ilə uçan AZAL-a məxsus sərnişin təyyarəsi ötən il dekabrın 25-də Çeçenistanda Rusiyanın hava hücumundan müdafiə sisteminin hücumuna məruz qalıb. Bundan sonra Qroznı hava limanına enişinə icazə verilməyən və uçuş istiqaməti məcburi dəyişdirilən təyyarə Qazaxıstanın Aktau şəhərində yerə çırpılıb. Olay nəticəsində 38 nəfər həlak olub, 29 nəfər yaralanıb.
