İran prezidenti Məsud Pezeşkian ötən ilin yanvar ayında baş verən etirazların qurbanları haqqında danışıb. İran prezidenti ölənlərin sayının 400-ə qədər əsgər və 2000-dən çox mülki şəxsi əhatə etdiyini bildirib.
Dövlət televiziya və radio şəbəkəsində İran prezidenti ABŞ lideri Donald Trampın son açıqlamasına da diqqət çəkərək, bunu yalan adlandırıb. “Deyirlər ki, İran şər və terrorizm üçün yuvadır. Biz terrorçuyuqmu? İnsanları öldürürükmü? (…) Kütləvi qətl törətmişikmi? Statistika və hətta danışdığımız şəxslərin pasport nömrələrini təqdim etdik. Rəqəmlərin daha yüksək olduğunu iddia edən hər kəs bunu sübut etməlidir.” — Məsud Pezeşkian deyib.
Qeyd etmək lazımdır ki, İranın xarici işlər naziri Abbas Əraqçi əvvəllər etirazlar zamanı ölənlərin sayı ilə bağlı açıqlama vermişdi. Xarici işlər naziri bildirib ki, İslam Respublikasında 3117 nəfər ölüb.
//Samir Qurbanov, Editor.az
