Ermənistan hökumətinin mətbuat xidmətinin məlumatına görə, Varşavada rəsmi səfərdə olan Ermənistanın Baş naziri Nikol Paşinyan Polşa Beynəlxalq Münasibətlər İnstitutunda Ermənistanın Gümrüdəki hərbi bazasını bağlamağı Rusiyadan istəyib-istəmədiyi ilə bağlı sualı cavablandırıb.
“Ermənistandakı 102-ci Rusiya hərbi bazasının mövcudluğu ilə bağlı heç bir planımız, proqramımız və ya narahatlığımız yoxdur. Rusiya Federasiyası ilə sıx tərəfdaşlığımız var – iqtisadi və siyasi əlaqələr qurulub.”- Nikol Paşinyan bildirib.
Ermənistanın Baş naziri Rusiya qoşunlarının ölkədə olmasına görə Rusiyaya təşəkkür edərək, 1990-cı illərin əvvəllərində yeni müstəqil dövlətin özünü müdafiə etmək qabiliyyətinin olmadığını və yalnız indi öz imkanlarını inkişaf etdirməyə başladığını izah edib. Bu gün Ermənistan Rusiya ilə yeni münasibətlər qurur, Rusiya Federasiyası ilə əməkdaşlığı qətiyyətlə inkişaf etdirir, baxmayaraq ki, bu münasibətlər bir sıra amillərə görə dəyişir, – Paşinyan qeyd edib.
Ermənistan hökumətinin başçısı həmçinin Rusiyanın və Rusiya Prezidenti Vladimir Putinin 2020-ci ilin noyabr ayında Ermənistan və Azərbaycan arasında atəşkəsin yaradılmasında həlledici rolunu qeyd edib və bu, sonradan İrəvan və Bakı tərəfindən Vaşinqtonda imzalanan bəyannaməyə çevrilib.
//Samir Qurbanov, Editor.az
