ain.az, Mia.az portalından verilən məlumatlara əsaslanaraq xəbər verir.
Karyerasını Səudiyyə Ərəbistanının "Al Nassr" komandasında davam etdirən portuqaliyalı futbolçu Kriştiano Ronaldo İspaniyada biznes imkanlarını genişləndirir.
Mia.az xarici mətbuata istinadla xəbər verir ki, o, bu dəfə İspaniyanın "Almeriya" klubunun 25% səhmini alıb.
Yeni biznesi haqda açıqlama verən Ronaldo deyib ki, bu, onun çoxdankı arzusu olub: "Meydançadan kənarda da futbola töhfə vermək mənim çoxdankı arzum idi. "Almeriya" güclü təməllərə və böyümə potensialına malik bir İspaniya klubudur. urada pay sahibi olmaq qürurvericidir".
6 ilə yaxındır ərəblərin sahibləndiyi "Almeriya"nın prezidenti Məhəmməd Əl-Xereyci isə Ronaldonun bu addımını yüksək dəyərləndirib: "Kriştianonun kluba investisiya qoymasından çox məmnunuq. O, İspaniya liqalarını çox yaxşı tanıyır. Əminəm ki, o, bizə - kluba böyük tövhə verəcək".
Xatırladaq ki, karyerası boyu "Sportinq", "Mançester Yunayted", "Real Madrid" və "Yuventus"da oynamış 41 yaşlı Ronaldo 2023-cü ildən "Əl-Nəsr"də top qovur.
Fərid ASLAN
MİA.AZ
Hadisənin gedişatını izləmək üçün ain.az saytında ən son yeniliklərə baxın.
