Çinin Sincan Uyğur Muxtar Vilayətindən olan 24 yaşlı Çinli qadın Uhandakı Çjunnan Xəstəxanasında beşəm - bir oğlan və dörd qız - dünyaya gətirib.
Ucnoqta.az xəbər verir ki, "People's Daily" qəzetinin məlumatına görə, təbii yolla beşəm dünyaya gətirmə şansı 60 milyonda 1-dir.
Əkizlər hamiləliyin 28 həftəsində dünyaya gəliblər. İlk doğulan uşaq 990 qram ağırlığında oğlan uşağı olub. Onun 1020 qram, 970 qram, 1030 qram və 870 qram ağırlığında olan kiçik bacıları isə qısa müddət sonra dünyaya gəliblər.
Beşəmlər neonatal şöbədə həkimlər tərəfindən izlənilir və həyati göstəriciləri sabitdir.
