AzVision.az xəbər verir ki, Almaniyanın “Deutsche Welle (DW)” telekanalı belə məlumat yayıb.
“Ver.di” həmkarlar ittifaqının məlumatına görə, ölkənin ən böyük nəqliyyat şirkəti olan Berlin Nəqliyyat Cəmiyyətində (BVG) tətil səhər saat 3:00-da başlayıb. Hessen əyalətində ictimai nəqliyyat əməkdaşları də işini dayandırıblar. Frankfurt-Mayn, Visbaden, Gisen, Marburq, Offenbax və Kasseldə təxminən 5200 nəfər tətilə çıxıb.
Bavariyada “Ver.di” tərəfindən elan edilən iki günlük tətil, Münhen, Nürnberq, Auqsburq, Regensburq və İnqolştadt da daxil olmaqla, 13 şəhərə yayılıb. Reynland-Pfaltsda avtobuslar və qatarlar da dayanıb və təxminən 1500 nəfər tətildə iştirak etməyə çağırılıb. Saarda isə Saarbrükken, Neunkirxen, Völklingen, Saarloui və Mertsiqdə təxminən 1000 nəqliyyat işçisi tətilə qoşulub.
Əksər bölgələrdə avtobus, tramvay və metro xidmətləri dayandırılıb. Sərnişinlər, xüsusən də şəhərətrafı ərazilərdə yaşayanlar və məktəblilər, təyinat yerlərinə çatmaq üçün alternativ yollar axtarmağa məcburdurlar. Bir neçə nəqliyyat şirkəti artıq ehtiyat cədvəllər elan edib.
Sahil İsgəndərov
AzVision.az
