Ötən ayın sonlarında Rusiyaya məxsus pilotsuz təyyarələrdən biri Kiyevin hökumət dairəsi üzərindən uçaraq Ukrayna Prezident Ofisinə doğru gedib. Məhz bu hadisədən sonra İlon Mask Rusiya ordusunun "Starlink" peyk rabitə sisteminə girişini məhdudlaşdırıb.
Moderator.az bu haqda "Fokus" nəşrinə istinadla xəbər verir.
Ötən ayın sonlarında Rusiyaya məxsus hücum dronu Kiyevdəki Ukrayna hava hücumundan müdafiə sistemlərindən yan keçərək Kiyevin hökumət dairəsi üzərindən uçub. "The Atlantic" qəzetində amerikalı jurnalist Saymon Şusterin yazdığına görə, dron Ukrayna Prezidenti Vladimir Zelenskinin ofisinə doğru gedib.
Dron o qədər alçaqdan uçub ki, Nazirlər Kabineti binasının içərisindəki məmurlar onu yeddinci mərtəbənin pəncərələrindən görə biliblər.
Bir məmur xatırladı: "Bir dəstə insan bunu gördü və 'Lənət şeytana, bu nə idi?' deyə soruşaraq ətrafa qaçıblar."
Adı çəkilməməsini istəyən bir Ukrayna məmurunun sözlərinə görə, sonradan Rusiyaya məxsus "BM-35" kimi tanınan pilotsuz təyyarə qonşu binaya çırpılarkən kiçik ziyana səbəb olub. Heç kim xəsarət almayıb. Bu hadisə əvvəllər bildirilməmişdi. Lakin, bu, Ukraynaya İlon Mask kimi müttəfiqinin köməyi ilə cəbhə xəttindən faydalanmağa imkan verən hadisələr zəncirini hərəkətə gətirib.
Rusiya pilotsuz təyyarəsi Kiyevin mərkəzinə sızdıqdan sonra Ukrayna rəsmiləri birbaşa Maska müraciət ediblər. Ukraynanın müdafiə naziri Mixail Fyodorov Maska Rusiya qüvvələrinin dronlarını, o cümlədən hökumət rayonu üzərindən uçan PUA-nı idarə etmək üçün "Starlink"-dən istifadə etdiyinə dair dəlillər təqdim edib. Ukrayna tərəfi ilə Maskın komandası arasında bir sıra danışıqlardan sonra "SpaceX" "Starlink" istifadəçilərinin texniki "ağ siyahı"sını yaradıb, bundan sonra Ukrayna bölmələri üçün əlçatan saxlanılaraq Rusiya üçün sistemə giriş məhdudlaşdırılıb.
