Lent az saytından alınan məlumatlara görə, ain.az xəbər verir.
Eqoistləri müəyyən etmək üçün bir sıra tipik xüsusiyyətlərə diqqət yetirmək kifayətdir. Belə insanlarla, xüsusilə romantik münasibətlərdə, ünsiyyət psixoloji sağlamlığa mənfi təsir göstərə bilər.
Lent.az həmin əlamətlər barədə xəbər verir.
Qarşı tərəfin həyatına maraqsızlıq
Eqomərkəzçi insanlar nadir hallarda dəqiqləşdirici suallar verirlər. Söhbət zamanı səthi reaksiya göstərir, tezliklə mövzunu özlərinə yönəldirlər. Sağlam münasibətlərdə isə qarşılıqlı maraq və diqqət əsasdır.
Hər şeyi yarışa çevirmək vərdişi
Siz yüksəliş əldə etmisinizsə, onlar bunu daha əvvəl və daha yaxşı etdiklərini deyəcəklər. Övladınız uğur qazanıbsa, onların övladı daha “mükəmməldir”. Dəstək əvəzinə üstünlük nümayiş etdirməyə çalışırlar.
Başqasının uğurunu öz adına çıxarmaq
Komandada minimal payları olsa belə, nəticəni şəxsi nailiyyət kimi təqdim edirlər. “Biz etdik” əvəzinə “mən etdim” deyirlər və başqalarının əməyini görməzdən gəlirlər.
Başqasının uğuruna sevinə bilməmək
Təbrik əvəzinə mövzunu dəyişirlər və ya uğuru kiçildirirlər. Başqasının uğuru onların eqosuna təhlükə kimi görünür.
Üzr istəyə bilməmək
“Bağışla, səhv etdim” demək əvəzinə “üzr istəyirəm, amma…” kimi ifadələr işlədirlər. Onlar üçün öz eqolarını qorumaq daha önəmlidir.
Xüsusi münasibət gözləmək
Qaydalar onlar üçün keçərli deyil. Öz işlərini prioritet sayır, başqalarının təcili məsələlərini isə əhəmiyyətsiz hesab edirlər. Qarşılıqlı dəstək gözləmək çətindir.
Başqalarının hisslərini görməzdən gəlmək
Sizin problemlərinizi kiçildir, sizi həddindən artıq emosional adlandırır və ya hisslərinizlə istehza edirlər.
İkili standartlar
Özləri planı son anda ləğv edə bilər, amma siz eyni addımı atsanız, sizi məsuliyyətsiz adlandırarlar. Öz kobudluqlarını qəbul etməz, tənqidi isə təhqir kimi qarşılayarlar.
Məsuliyyətdən yayınmaq
Münaqişələrdə həmişə başqalarını günahlandırırlar. Uğursuzluqları xarici amillərlə izah edir, heç vaxt problemi yaradan tərəf olduqlarını qəbul etmirlər.
Psixoloqlar vurğulayırlar ki, dostluq və münasibətlər birtərəfli olmamalıdır. Əgər qarşılıqlı hörmət, dəstək və etibar yoxdursa, bu artıq sağlam münasibət sayılmır. Öz emosional rifahınızı qorumaq üçün belə insanlardan məsafə saxlamaq vacibdir.
Hadisənin gedişatını izləmək üçün ain.az saytında ən son yeniliklərə baxın.
