İsrail Müdafiə Qüvvələri (SAXAL) bəyan edib ki, həyata keçirilən son əməliyyat zamanı “Hizbullah”ın təşkilatda qalan ən təcrübəli və yüksək vəzifəli komandirlərinə zərbələr endirilib. Ordudan bildirilib ki, hücumun nəticələri hazırda araşdırılır və əlavə məlumatlar daha sonra açıqlanacaq.
NOCOMMENT.az xəbər verir ki, İsrail hərbi mənbələrinin məlumatına görə, hədəf alınan şəxslər “Hizbullah”ın strukturunda mühüm rol oynayan və uzun illər döyüş təcrübəsinə malik fiqurlar olub. Rəsmi açıqlamada onların təşkilatın əməliyyat imkanlarının qorunmasında əsas simalardan sayıldığı vurğulanıb.
Eyni zamanda İsrailin müdafiə naziri “Hizbullah”ın baş katibi Nəim Qasemi “sui-qəsd üçün hədəf” adlandırıb. Nazir bildirib ki, İsrail təhlükəsizliyinə təhdid hesab edilən şəxslərə qarşı əməliyyatlar davam etdirilə bilər.
Hazırda bölgədə vəziyyət gərgin olaraq qalır və tərəflər arasında qarşılıqlı bəyanatlar davam edir. Hücumun nəticələri və mümkün itkilərlə bağlı dəqiq məlumatların yaxın vaxtlarda açıqlanacağı gözlənilir.
Sara
