Prezident Donald Tramp CNN-ə verdiyi telefon müsahibəsində Amerika qoşunlarının "İranı güclü şəkildə silkələdiyini, lakin "əsas zərbə dalğası"nın hələ qabaqda olduğunu bildirib.
“Cebheinfo.az” xəbər verir ki, Tramp "Biz onları sərt şəkildə cəzalandırırıq", - deyib.
“Düşünürəm ki, hər şey çox yaxşı gedir. Çox çətin. Dünyanın ən yaxşı ordusuna sahibik və biz bundan istifadə edirik”,-deyə o əlavə edib.
Müsahibədə Tramp münaqişənin gözlənilən müddəti, İranın cavab zərbələrinin miqyasına təəccübü və ölkə üçün mümkün varislik planı da daxil olmaqla geniş məsələləri əhatə edib.
Müharibənin nə qədər davam edə biləcəyi soruşulduqda, Prezident cavab verib:
“Mən onun çox uzun çəkməsini istəmirəm. Mən həmişə düşünürdüm ki, dörd həftə olacaq. Biz cədvəldən bir az irəlidəyik”.
ABŞ-nin İran xalqının ölkə üzərində nəzarəti bərpa etməsinə kömək etmək üçün hərbi əməliyyatlardan başqa bir şey edib-etmədiyi soruşulduqda, Tramp "Bəli" cavabını verib.
“Biz beləyik. Amma hazırda hər kəsin evdə qalmasını istəyirik. Çöldə olmaq təhlükəsiz deyil”,-o deyib.
Onun sözlərinə görə, bu, daha da təhlükəli olacaq:
"Hələ ciddi zərbələr endirməyə başlamamışıq. Əsas dalğa hələ baş verməyib. Böyük dalğa tezliklə gələcək”.
Prezidentin sözlərinə görə, "ən böyük sürpriz" İranın bölgədəki ərəb ölkələrinə - Bəhreyn, İordaniya, Küveyt, Qətər və BƏƏ-yə zərbələri olub:
“Təəccübləndik. Biz onlara dedik ki, bunun öhdəsindən gələ bilərik, indi isə onlar döyüşmək istəyirlər. Onlar indi fəal şəkildə iştirak edirlər, yəni indi iştirakda israr etdiklərini bildiriblər”.
Ərəb liderləri ilə bağlı Tramp dedi:
“Mən bu insanları tanıyıram. Onlar sərt və ağıllıdırlar”.
Trampa görə, iranlılar oteli, mənzilləri partladıblar:
“Bu, onları qəzəbləndirib. Onlar bizi sevirlər, amma vəziyyəti izləyirdilər. Müdaxilə etmək üçün heç bir səbəb yox idi”.
Tramp vurğulayıb ki, İranın nüvə təhdidi uzun müddətdir ki, regionda ciddi problem olub:
“Başa düşməlisiniz, onlar illərdir bu qaranlıq buludun altında yaşayırlar. Buna görə də heç vaxt sülh olmayıb”.
İrana kimin rəhbərlik edə biləcəyi ilə bağlı suala Tramp belə cavab verdi:
“İndi kimin hakimiyyətdə olduğunu bilmirik. Kimi seçəcəklərini bilmirik. Bəlkə də şanslı olacaqlar və nə etdiklərini bilən birisi gələcək”.
O, İran rəhbərliyinin ilkin zərbələr nəticəsində "çox şey itirdiyini" söyləyib:
“Qırx doqquz nəfər…Bu, heyrətamiz bir zərbə idi. Onlar elə hesab edirdilər ki, kimsə onları aşkarlaya bilməz. Onlar aşkarlandılar. Biz buna heyrətləndik. Onlar hətta indi kimin məsul olduğunu belə bilmirlər. Biz 49 lideri aradan qaldırdıq”.
Prezident qeyd edib ki, onun komandası iranlılarla danışıqlar aparmağa çalışıb:
“Lakin "bu insanlarla razılığa gələ bilmədik. Hər yeni təklif rədd cavabı ilə qarşılanıb. İranlılar uranın zənginləşdirilməsini dayandırmaqdan imtina ediblər”.
Tramp öz hərəkətlərini İran təhdidini aradan qaldırmaq üçün "düzgün yol" kimi təsvir edib:
“Müqavilələr barədə narahat olmağa ehtiyac yoxdur”.
O, İranın 1979-cu il inqilabından bəri bölgədə uzun müddət xaos yaratmasına işarə edib:
“Son 37 ili - əslində 47 ili, təxminən 50 ili götürün - nə baş verdiyinə, bütün ölümlərə baxın. Hərbçilərin ayaqsız, qolsuz, eybəcər üzlərlə gəzdiyi görün”.
O, həmçinin qeyd edib ki, komandasından son 47 ildə İran və ya İran tərəfindən dəstəklənən qüvvələrin ABŞ-yə, onun müttəfiqlərinə qarşı bütün hücumlarının siyahısını tərtib etməsini istəyib.
Trampın sözlərinə görə, hazırkı hərbi əməliyyat İran təhdidini aradan qaldırmaq üçün uzunmüddətli kampaniyanın bir hissəsidir. O, 3 yanvar 2020-ci ildə ABŞ-nin İran general-mayoru Qasım Süleymanini hədəf alan pilotsuz təyyarə hücumuna toxunaraq deyib:
"Biz Süleymanini keçən dəfə məhv etdik. O, inanılmaz dərəcədə qəddar bir general idi”.
Prezident Süleymaniyə qarşı hücum "böyük bir addım idi" deyə xarakterizə edib:
“Əgər bu baş verməsəydi, İsrail bu gün mövcud olmaya bilərdi”.
