"Mançester Yunayted", "Real Madrid" və İngiltərə millilərinin keçmiş yarımmüdafiəçisi və "İnter Mayami"nin sahibi Devid Bekhem martın 4-də 27 yaşı tamam olan oğlu Bruklinə həsr olunmuş təsirli paylaşımlar edib.
Publika.az xəbər verir ki, Bekhem sosial mediada Bruklinin uşaqlıq şəkillərini paylaşaraq yazıb:
"Ad günün mübarək, Bast. Səni sevirik".
Xatırladaq ki, Devidin böyük oğlu Bruklin Bekhem ailədə uzun müddətdir davam edən bir mübahisə fonunda valideynlərinə sərt reaksiya vermişdi. Devid və Viktoriyanın böyük oğlu açıqlamasında ailəsi ilə barışmaqdan imtina etdiyini və həyatında ilk dəfə hüquqlarını müdafiə etdiyini bildirmişdi.
Bruklin həmçinin atasını tənqid edərək iddia edib ki, o, Devidin 50 illik yubileyini qeyd etmək üçün Böyük Britaniyaya gəlib, lakin görüş üçün təkrarlanan xahişlər yalnız Bruklinin həyat yoldaşı Nikola Peltzin dəvət olunmaması halında yerinə yetirilib.
