Rusiyada Şahin Şıxlinski və Səfərovlara

Uraldakı Azərbaycan diasporunun keçmiş lideri Şahin Şıxlinski 22 il müddətinə azadlıqdan məhrum edilib.

 

Sverdlovsk məhkəməsi belə qərar çıxarıb.

 

Şıxlinski və daha altı azərbaycanlı qətl təşkil etməkdə və qətlə cəhd etməkdə ittiham olunublar.

 

Qeyd olunur ki, Şıxlinski cəzasının ilk dörd ilini həbsxanada keçirəcək. Bundan sonra isə, o, ciddi rejimli cəza koloniyasına köçürüləcək.

 

Zərərçəkənlərə ümumilikdə 600 min rubl ödənilməsi də qərara alınıb. Bundan əlavə, Şıxlinskinin əmlakı, o cümlədən dörd avtomobili, iki yaşayış yeri və külli miqdarda nağd pulu müsadirə edilib.

 

İş üzrə digər təqsirləndirilən şəxslərə də hökm oxunub:

 

Səfərov Akif - 21 il müddətinə azadlıqdan məhrum etmə

 

Səfərov Ayaz - 20 il

 

Səfərov Kamal - 14 il

 

Səfərov Məzahir - 13 il

 

Səfərov Bəkir - 10 il

 

Rəcəbov Şücayəddin - 14 il.

 

Oxu.az xatırladır ki, Rusiya təhlükəsizlik qüvvələri azərbaycanlıları 2025-ci ilin yayında saxlayıb. Səfərov qardaşları (Ayaz, Bəkir, Məzahir, Kamal və Akif), Şücayəddin Rəcəbov və Şıxlinski məhkəməyəqədər həbs cəzasına məhkum ediliblər. Onlar iki cinayətdə ittiham olunublar.