QHT.az xarici mediaya istinadən bildirir ki, bir sıra beynəlxalq və humanitar qeyri‑hökumət təşkilatları Qəzza zolağı və Qərb Şəriqində 37 beynəlxalq QHT‑nin fəaliyyətinə məhdudiyyət qoyulmasına etiraz ediblər.
Bu təşkilatlar yeni qeydiyyat tələblərinin humanitar yardıma maneəçilik yaratdığını və mülki əhali üçün həyati əhəmiyyətli dəstək xidmətlərini risk altına qoyduğunu vurğulayıb.
Tənqidçilər qeyd ediblər ki, yeni qaydalar altında QHT‑lərdən şəxsi məlumatların verilməsi tələb olunur ki, bu da əməkdaşların təhlükəsizliyi üçün risklər yaradır və humanitar yardımların kəsilməsinə səbəb ola bilər. Yardım qrupları beynəlxalq humanitar hüquqa uyğun olaraq fəaliyyətdə olmaq üçün maneəsiz şərait tələb etdiklərini və münaqişə zamanı ən azı mülki əhaliyə xidmət göstərilməsinin vacib olduğunu bildiriblər.
Məsələyə münasibət bildirən təşkilatlar, həmçinin, sülh prosesinin dəstəklənməsi və humanitar yardımın daha effektiv çatdırılması üçün tərəfləri dialoqa çağırıb.
Zəhra Ağayeva
