Cənubi Livanın Sayda şəhərində həyata keçirilən hücum nəticəsində mülki obyekt hədəfə alınıb...
Poliqon xəbər verir ki, İsrail Müdafiə Qüvvələri Livanın cənubunda yerləşən Sayda şəhərində pilotsuz uçuş aparatı ilə yaşayış binasına zərbə endirib.
Məlumata görə, hücum İsrail ordusuna məxsus dron vasitəsilə həyata keçirilib və şəhərin yaşayış məntəqələrindən birində yerləşən bina hədəf alınıb. Hadisə bölgədə onsuz da gərgin olan təhlükəsizlik vəziyyətini daha da mürəkkəbləşdirib.
İlkin məlumatlara əsasən, hücum nəticəsində binaya ciddi ziyan dəyib. Hadisə zamanı ölən və yaralananların olub-olmaması ilə bağlı rəsmi məlumatlar dəqiqləşdirilir.
Ekspertlərin fikrincə, Livanın cənub bölgəsi uzun müddətdir ki, İsrail ilə İranın müttəfiqi sayılan silahlı qruplaşmalar arasında gərginliyin əsas nöqtələrindən biri hesab olunur. Bu ərazidə tez-tez pilotsuz aparatlarla və artilleriya vasitəsilə hücumlar qeydə alınır.
Poliqon.info
