ain.az, Cebheinfo saytından verilən məlumata əsaslanaraq xəbər yayır.
Son vaxtlar baş verən yol-nəqliyyat hadisələri sırasında yük avtomobillərinin sürücüləri tərəfindən törədilən qəzalar da az deyil.
Bu gün paytaxtda onların ümumiyyətlə, müəyyən saatlarda mərkəzdə hərəkət etmələri qadağandır. Ancaq buna baxmayaraq, yük avtomobillərinin sürücüləri bir sıra fəsadlar törədir.
Ümumilikdə isə sürücülərin sükan arxasında yuxulaması əsasən uzunmüddətli, dayanmadan işləmələri və yorğunluq nəticəsində baş verir. Gecə reysləri, monoton yol şəraiti və istirahət rejiminin pozulması yuxululuğu artıran digər əsas amillərdir.
Bu hal ağır qəzalara və fəsadlara səbəb ola bilər. Yük maşını sürücülərinin yuxulamasına səbəb olan digər faktorlar isə istirahət etmədən saatlarla avtomobil idarə etmək, yükü vaxtında çatdırmaq üçün təzyiqlər, uzun və təkrarçılıqlı yolların yaratdığı yorğunluq, bədənin təbii yuxu rejiminə zidd olan saatlarda işləməsidir.
Baş Dövlət Yol Polisi İdarəsi məhz bu gün törədilən bir hadisə ilə bağlı yaydığı məlumat da onlardan biridir. Bildirilib ki, bu gün saat 07 radələrində Bakı-Şamaxı avtomobil yolunun 11-ci kilometrində yol-nəqliyyat hadisəsi baş verib.
Belə ki, Sərxan Kazımovun idarə etdiyi “KamAZ” markalı yük avtomobili dayanacaqda dayanmış “Daewoo” markalı sərnişin avtobusu ilə toqquşub. Nəticədə yük avtomobilinin sürücüsü, eləcə də Bəylər Yusibovun idarə etdiyi 114 nömrəli marşrut avtobusunun üç sərnişini xəsarət alaraq xəstəxanaya yerləşdirilib.
Məhz son vaxtlar eyni istiqamətdə və eyni hərəkət zolağında hərəkət edən nəqliyyat vasitələrinin toqquşması ilə nəticələnən yol qəzalarının sayında artım müşahidə olunur. Belə hadisələr əksər hallarda sürücülərin idarəetmə zamanı diqqəti yayındıran hərəkətlərə yol verməsi, yorğun və ya yuxusuz halda sükan arxasına əyləşməsi, eləcə də ara məsafəsini düzgün seçməməsi ilə əlaqəli olur.
Baş Dövlət Yol Polisi İdarəsi bir daha sürücülərə müraciət edərək avtomobil idarə edərkən onlardan diqqəti yayındıran hərəkətlərdən çəkinməyi, yorğun və yuxusuz halda sükan arxasına əyləşməməyi, yol hərəkəti qaydalarına, eləcə də iş və istirahət rejiminə ciddi əməl etməyi tələb edir.
Yük avtomobilinin sürücünün iş rejimindən artıq çalışması qanunauyğundurmu?
Məsələ ilə bağlı nəqliyyat məsələləri üzrə ekspert Eldəniz Cəfərov “Cebheinfo.az”-a bildirib ki, hadisənin təfərrüatı ilə tanış olduqda həmin ərazinin potensial qəza ocağı yeri olduğu məlum olur:
.jpg)
“Azərbaycan Respublikasında Yol Hərəkətinin Təhlükəsizliyinə dair 2019-2023-cü illəri əhatə edən Dövlət Proqramı”nda belə qəza ocaqları ilə bağlı iddialar var.
Qeyd edilir ki, belə qəza ocaqlarının neytrallaşdırılması, həmin ərazidə qəzaların sayının azaldılması istiqamətində müvafiq qurumlar müəyyən işlər görməlidir ki, həmin ərazidə qəzalar olmasın. Bu, qurumların üzərinə düşən məsələdir.
Ümid edirəm ki, həmin qəza ocaqları ilə bağlı işlər davam etdirilir. Burada söhbət yolların işıqlandırılması, yol nişanlarının qoyulması, yolların xətlənməsi, ümumiyyətlə, yol infrastrukturuna daimi nəzarət, həmçinin hərəkətə nəzarət gücləndirilməlidir.
O ki qaldı yük avtomobillərinin sürücülərinin tez-tez yuxulu vəziyyətdə və yoğun olmasına, bəli, belə hallar olub. Qəzadan sonra məlum olub ki, sürücü ya yorğun, ya da yuxulu olub.
Bu problemləri həll etmək üçün bu riskləri nəzərə alaraq qanunvericiliyə dəyişiklik edilib. Yük avtomobillərinin sürücülərinin çalışması ilə bağlı konkret reqlament var.
Daşıyıcı şirkətlər də, hüquqi və fiziki şəxslər də bu reqlamentə əməl etməlidirlər. Əməl etmədikdə belə xoşagəlməz hallar var verir”.
Nigar Abdullayeva
“Cebheinfo.az”
Açar sözlər:
Eldəniz Cəfərov qəzalar
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
