Almaniya Bundesliqasının 25-ci turunda “Frayburq” ilə Leverkuzen “Bayer”i üz-üzə gəlib.
90deqiqe.Az xəbər verir ki, Frayburq-im-Braysqau şəhərində yerləşən “Europa-Park” stadionunda keçirilən qarşılaşmanı baş hakim Benyamin Brand idarə edib. Görüş 3:3 hesablı heç-heçə ilə yekunlaşıb.
Matçda hesabı 34-cü dəqiqədə Vinçentso Qrifo açıb. Üç dəqiqə sonra qonaqların hücumçusu Kristian Kofane hesabı bərabərləşdirib.
43-cü dəqiqədə Yuito Suzuki meydan sahiblərini yenidən irəli çıxarıb. Birinci hissənin əlavə olunmuş vaxtında – 45+3-cü dəqiqədə Alexandro Qrimaldo bərabərlik qolunu vurub.
İkinci hissənin 52-ci dəqiqəsində Marten Terye Leverkuzen təmsilçisini hesabda önə keçirib. 86-cı dəqiqədə isə Matias Ginter fərqlənərək matçın yekun hesabını müəyyənləşdirib – 3:3.
Bu nəticədən sonra “Frayburq” 34 xalla turnir cədvəlində 8-ci pillədə qərarlaşıb. Leverkuzen “Bayer”i isə 44 xalla 5-ci yerdədir.
