ABŞ və İsrail qüvvələri İrandakı 4000 hədəfə zərbə endirib, lakin onun hərbi imkanlarını tam məhv edə bilməyiblər.
Musavat.com xəbər verir ki, bu barədə “The New York Times” nəşri yazıb.
Qəzet bildirir ki, ABŞ artıq İranla müharibəyə təxminən 6 milyard dollar xərcləyib, lakin Vaşinqton bu qarşıdurmada qələbənin nədən ibarət olduğu barədə hələ də qeyri-müəyyəndir.
Sorğular amerikalılar arasında müharibədən narazı olanların çox olduğunu göstərir. Amerika ictimaiyyəti zorakılıq və faciələrdən çox, neftin qiymətlərinin artmasından narahatdır, üstəlik, seçkilərdə Trampın özü üçün siyasi problemlər yarada biləcək digər iqtisadi şoklar ola biləcəyini düşünürlər.
Qəzetin hesablamalarına görə, zərbələrin miqyasına baxmayaraq, İran öz imkanlarının əhəmiyyətli bir hissəsini saxlaya bilib. Qəzet ABŞ hökumət mənbələrinə istinadən iddia edir ki, Tehran raket arsenalının təxminən yarısını, eləcə də dronlarının əhəmiyyətli bir hissəsini saxlayıb.
Bu arada, SEPAH-ın sözçüsü Əli Məhəmməd Naini ölkənin ən azı altı ay daha hərbi əməliyyatları davam etdirməyə qadir olduğunu bildirib.
SEPAH-a yaxın olan “Fars” xəbər agentliyi mənbələrə istinadən bildirib ki, korpus bu gecədən etibarən ağır və strateji raketlərin istifadəsini 100% artırmaq da daxil olmaqla raket zərbələrini gücləndirmək niyyətindədir.
Musavat.com
