ain.az, Demokrat.az portalına istinadən məlumatı açıqlayır.
Amerikalı alimlər qaraciyər çatışmazlığı olan xəstələr üçün transplantasiya alternativi üzərində uğurla iş aparıblar.Demokrat.az xəbər verir ki, "Massachusetts Institute of Technology" mühəndisləri “mini-qaraciyər” hazırlayıblar. Bu süni toxuma şpris vasitəsilə orqanizmə vurula bilər və qaraciyərin funksiyalarını əvəz edə bilir. Qeyd olunur ki, qaraciyər çatışmazlığının terminal mərhələsində olan xəstələrin çoxu donor tapmadığı üçün müalicə ala bilmir və bir çoxu həyatını itirir.Alimlər mikrosferlər içərisində yerləşdirilmiş qaraciyər hüceyrələrindən ibarət süni toxumanı siçanlarda sınayıblar. Nəticələr göstərib ki, hüceyrələr orqanizmdə ən azı 2 ay yaşaya bilir, qan dövranına qoşularaq lazım olan ferment və zülalları istehsal edə bilir.Tədqiqat zamanı mikrosferlər hüceyrələrə bir-biri ilə və qonşu qan damarları ilə əlaqə yaratmağa imkan verib. Bu strukturlar şpris vasitəsilə vurulduqdan sonra yenidən bərk forma alır və hüceyrələrin effektiv inteqrasiyasını təmin edir. Həmçinin qarışığa əlavə olunan fibroblastlar hüceyrələrin sağ qalmasına və yeni qan damarlarının yaranmasına kömək edir.Eksperiment nəticəsində məlum olub ki, hüceyrələr vurulduqdan sonra stabil struktur əmələ gətirib, qan damarları inkişaf edib və hüceyrələr sağlam qalaraq orqanizmin qan dövranına zəruri zülalları verir. Bu müddət boyunca (8 həftə) hüceyrələr funksiyasını qoruyub.Alimlər bildirirlər ki, bu yanaşma gələcəkdə qaraciyər xəstəliklərinin uzunmüddətli müalicəsi üçün perspektivli üsul ola bilər.Bu nailiyyət əvvəlki elmi qənaəti də təkzib edir: uzun müddət qaraciyər sirrozu geri çevrilməz sayılırdı, lakin son araşdırmalar bunun əksini göstərir.Demokrat.az
Sonrakı hadisələr barədə daha çox məlumat almaq üçün ain.az saytını izləyin.
