ABŞ-ın mərkəzi hissələrini təsiri altına alan şiddətli fırtına və qasırğalar nəticəsində həyatını itirənlərin sayının 8-ə yüksəldiyi bildirildi.
AFN.az xəbər verir ki, CNN-in məlumatına görə, ölkənin daxili ştatlarında tüğyan edən güclü külək və qasırğalar ciddi dağıntılara səbəb olub.
Oklahoma ştatında 6 və 7 mart tarixlərində 4 nəfər həyatını itirib, çoxlu sayda insan isə yaralanıb. Ştat rəsmiləri binaların damlarının uçduğunu, ağacların kökündən qopduğunu bildirərək, zərər çəkmiş bölgələrdə fövqəladə vəziyyət elan edildiyini və xilasetmə işlərinin davam etdiyini diqqətə çatdırıblar.
Digər itkilər isə aşağıdakı bölgələrdə qeydə alınıb:
Miçiqan (Union Leyk): 3 nəfər həlak olub, 12 nəfər yaralanıb;
Kass Kaunti: 1 nəfər həyatını itirib.
Meteoroloqlar əlverişsiz hava şəraitinin bir müddət də davam edəcəyi barədə xəbərdarlıq edirlər. Sakinlərə sığınacaqlardan çıxmamaq və rəsmi xəbərdarlıqlara əməl etmək tövsiyə olunur.
