Demokrat.az saytından alınan məlumata görə, ain.az bildirir.
"Çox adam düşünür ki, borcu tez bağlamaq daha yaxşıdır. Amma 2026-cı ilin maliyyə şərtləri göstərir ki, kreditinizi vaxtından əvvəl ödəməyə tələssəniz, əslində pul itirə bilərsiniz".Demokrat.az xəbər verir ki, bunu maliyyə xidmətləri sahəsində ekspert Dmitri Molkov deyib. Ekspertin fikrincə güzəştli şərtlərlə kredit götürənlər üçün pullarını bank əmanətində saxlamaq daha sərfəli variantdır.Məsələ bundadır ki, hazırda bir çox avtomobil markası kreditləri çox ucuz faizlə, bəzən isə demək olar ki, sıfır faizlə verir. Əgər siz belə aşağı faizli kredit götürmüsünüzsə, borcu tez bağlamaq üçün cibinizdəki nağd pulu banka verməyin mənası yoxdur.Əgər kreditinizin faizi 10 faizdən aşağıdırsa, amma bankdakı depozit faizləri 15 faizə çatırsa, pulunuzu bankda saxlayın. Sizin pulunuz bankda daha çox faiz qazanacaq. Krediti vaxtından əvvəl bağlasanız, bu faiz gəlirindən məhrum olursunuz.Təsəvvür et ki, sənin 10 min manatlıq avtokreditin var və bu kredit çox aşağı faizlə (məsələn, illik 5%) götürülüb. Bankda isə depozit faizləri yüksəkdir (məsələn, illik 15%).
Əgər sən bu 10 min manatı kreditin müddəti bitməmiş, vaxtından əvvəl bağlamağa xərcləsən, həmin pul artıq sənin üçün işləməyəcək. Amma həmin pulu depozitdə saxlasaydın, vəziyyət başqa cür olardı.Əlbəttə, kreditiniz çox yüksək, məsələn, 24-26 faizlə götürülübsə, vəziyyət fərqlidir. Bu halda borcu tez bağlamaq daha məntiqlidir, çünki yüksək faiz sizin büdcənizi çox yorur.Qısa desək, qərar verməzdən əvvəl kreditinizin faizinə və bankdakı əmanət faizinə baxın. Əgər bank sizə kreditin faizindən daha çox qazanc təklif edirsə, borcu tələsik bağlamaq yerinə pulu depozitdə saxlamaq daha ağıllı addımdır.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
