Yüksək Liqa: “Azərreyl” və “Neftçi”dən qələbə – ARENA.AZ

Kişi voleybolçular arasında təşkil edilmiş Azərbaycan çempionatında (Yüksək Liqa) bu gün 17-ci turun oyunları keçirilib.

Arena.az xəbər verir ki, turun bütün görüşləri eyni günə təsadüf edib.

Abşeron Olimpiya İdman Kompleksində “Gənclər”lə qarşılaşan “Azərreyl” rahat qələbəyə sevinib.

Günün digər iki görüşü Fövqəladə Hallar Nazirliyinin idman zalında təşkil edilib. “Xilasedici” “Ordu” ilə görüşdən asan qələbə ilə ayrılıb. “Murov”la qarşılaşan “Neftçi” isə bu turda çətin qələbəyə sevinib.

Yüksək Liqa
17-ci tur
10 mart

“Gənclər” – “Azərreyl” 0:3 (16:25, 17:25, 21:25)
Abşeron Olimpiya İdman Kompleksi.

“Murov” – “Neftçi” 2:3 (23:25, 25:22, 25:18, 23:25, 11:15)
Fövqəladə Hallar Nazirliyinin idman zalı.

“Xilasedici” – “Ordu” 3:0 (25:19, 25:16, 25:23)
Fövqəladə Hallar Nazirliyinin idman zalı.