Avropa enerji qiymətlərinin kəskin artımını Rusiya fosil yanacaqlarına qayıtmaqla azaltmağa çalışsa, bu strateji səhv olardı.
APA xəbər verir ki, bunu Avropa Komissiyasının Prezidenti Ursula von der Leyen bu gün Avropa parlamentində çıxışı zamanı deyib.
“Cari böhran şəraitində bəziləri uzunmüddətli strategiyamızı tərk etməli olduğumuzu və hətta Rusiyanın fosil yanacaqlarına qayıtmalı olduğumuzu iddia edir. Bu, strateji səhv olardı,” –Leyen bildirib.
Von der Leyen əlavə edib ki, Aİ enerji qiymətlərini aşağı salmaq üçün bir sıra variantlar hazırlayır. Bunlara enerji alqı-satqı müqavilələrinin daha yaxşı istifadəsi, dövlət dəstək tədbirləri və qaz qiymətlərinə subsidiya və ya tavanların tətbiqi daxildir.
