Qazaxıstanın energetika naziri Yerlan Akkenjenov jurnalistlərə açıqlamasında bildirib ki, ölkəsi Yaxın Şərqdə gərginliyin artmasına baxmayaraq, neft hasilatını əvvəlcədən müəyyən edilmiş qrafik üzrə davam etdirəcək.
AFN.az-ın yerli mediaya istinadən xəbərinə görə, nazir qeyd edib ki, hazırda hasilat səviyyəsində hər hansı dəyişiklik edilməsi nəzərdə tutulmur və Astana öz planlarına sadiq qalacaq.
Qazaxıstan bu il təxminən 96-98 milyon ton neft, qaz kondensatı və yüngül karbohidrogen qarışığı hasil etməyi hədəfləyir. Beləliklə, regional münaqişənin qlobal tədarük zəncirinə təsir etdiyi bir vaxtda Qazaxıstan enerji bazarındakı payını stabil saxlamağa çalışır.
