UEFA Çempionlar Liqasının 1/8 final mərhələsinin ilk oyunları çərçivəsində bu gecə səfərdə "Atalanta"nı 6:1 hesabı ilə darmadağın edən "Bayern Münhen"in kapitanı Yozua Kimmix oyundan sonra fikirlərini bölüşüb.
Fanat.Az xəbər verir ki, onun sözlərini UEFA-nın rəsmi saytı belə çatdırıb:
"Oyunun nəbzini tutmaq üçün bizə 5 dəqiqə lazım oldu. Ardından təhlükəli vəziyyətləri sıralamağa başladıq. Bu gün çox yaxşı oyun sərgilədik. Ortaya qoyduğumuz futboldan zövq aldıq. Bilirdik ki, rəqibi meydanda təngə gətirməyə qadirik. Elə buradakı ab-havanın möhtəşəm olacağını təxmin edirdik. Heç vaxt görməmişdim ki, 1:6 hesabı ilə uduzan komandanı azarkeşlər irəli səsləsinlər. Bu, çox xoş mənzərədir".
Tərəflərin cavab qarşılaşması martın 18-də reallaşacaq. İkinci duel "Münhen Arena"da keçiriləcək.
Toğrul
