Demokrat.az saytından verilən məlumata görə, ain.az xəbər verir.
Türkiyənin Batman vilayətinin Sason rayonunda yerləşən Mereto və Zoveser dağlarının ətəklərində özbaşına bitən zuzubak otu yerli əhalinin əsas gəlir mənbəyinə çevrilib. Bir çox xəstəliyə faydalı olduğu bildirilən bu bitkinin qiyməti toplandığı ərazinin çətinliyi və nadir tapılması səbəbindən yüksəkdir. Hazırda otun bir kiloqramı 195 manat civarında alıcı tapır.Demokrat.az-ın məlumatına görə yerli sakinlər bitkini toplamaq üçün saatlarla piyada yol qət etdiklərini bildirirlər. Sıldırım qayalıqlarda bitən zuzubak otunu əldə etmək ciddi fiziki güc və dözümlülük tələb edir. Toplanan bitkilər daha sonra ənənəvi üsulla, taxta hunilərdə və kaya duzu ilə döyülərək toz halına gətirilir.Sakinlər bu otu yeməklərdə xüsusi ədviyyat kimi istifadə edirlər. Xüsusilə ayran, qatıq, pomidor və xiyar kimi qidalara əlavə edilən zuzubak otunun ürək-damar xəstəliklərinə müsbət təsir göstərdiyi vurğulanır. İstanbul başda olmaqla müxtəlif yerlərdən gələn sifarişlər sayəsində əhali öz təsərrüfatını ayaqda saxlamağa çalışır.Hazırlanan məhsulun kiloqramı ilə yanaşı, ədəd hesabı ilə də satışı həyata keçirilir. Bir ədədi təxminən 4 manatdan təklif olunan bu bitki təbii şəfası ilə bölgənin ən çox axtarılan məhsullarından biri kimi qiymətləndirilir. Dağların yüksək zirvələrindən gələn bu nemət həm sağlamlıq, həm də iqtisadi baxımdan maraq dairəsində qalmağa davam edir.
İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
