BAKI, 12 mart. TELEQRAF
İngiltərə klubları Çempionlar Liqasında antirekorda imza atıb.
Teleqraf xəbər verir ki, bu, 1/8 final mərhələsinin ilk oyunlarından sonra qeydə alınıb.
Belə ki, PSJ “Çelsi”ni 5:2, “Real Madrid” isə “Mançester Siti”ni 3:0 hesabı ilə məğlub edib. Bununla da Çempionlar Liqası və Avropa Çempionlar Kubokunun tarixində ilk dəfə iki İngiltərə klubu eyni gündə böyük hesablı məğlubiyyət alıb.
Qeyd edək ki, 1/8 final mərhələsinin cavab oyunları 17-18 martda keçiriləcək.
