ain.az, Cebheinfo portalına istinadən məlumatı açıqlayır.
Kreml sözçüsü Dmitri Peskov Kiyev rəhbərliyinin Ukrayna böhranının həlli il bağlı danışıqlar prosesini əngəlləməyə yönəlmiş mövqeyini davam etdirdiyini və bunun Avropa tərəfindən müsbət qarşılandığını bildirib.
"Cebheinfo.az" xəbər verir ki, Peskov paytaxt Moskvada jurnalistlərə gündəmdəki mövzularla bağlı qiymətləndirmələrini təqdim edib.
Ukrayna Prezidenti Volodimir Zelenskinin Fransa Prezidenti Emmanuel Makron ilə görüşəcəyinə işarə edən Peskov, Kiyev rəhbərliyinin danışıqlar prosesini dayandırmaq yönündəki xəttini qoruduğunu müdafiə edib:
"Kiyev rəhbərliyi bunu müxtəlif yollarla etməyə çalışır və bu da Avropa tərəfindən müsbət qarşılanır. Avropa ölkələri böhranın sülh yolu ilə həllinə töhfə vermək məsələsində istəksizdir. Rusiyaya təzyiq göstərmək fikri isə cəfəngiyatdır".
Rusiyanın Ukraynada "xüsusi hərbi əməliyyatı" davam etdirdiyini qeyd edən Peskov, Moskvanın eyni zamanda böhranın sülh yolu ilə həllinə açıq olduğunu dilə gətirib.
Peskov Zelenskinin Yaxın Şərqə bir qrup pilotsuz uçuş aparatı (PUA) mütəxəssisi göndərdikləri barədə açıqlamasını şərhsiz qoyaraq bu ifadələri işlədib:
"İranla bağlı vəziyyətin siyasi və diplomatik vasitələrlə həll edilməli olduğu mövzusunda ardıcıl yanaşmaya sadiqik. Bu, bölgəyə sülh, sakitlik və proqnozlaşdırıla bilənlik gətirəcək".
Dmitri Peskov Rusiya, İran və bölgənin digər ölkələrinin Şimal-Cənub nəqliyyat dəhlizi layihəsinin icrasından yana olduqlarını vurğulayıb.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son xəbərləri və yenilikləri almaq üçün ain.az saytını izləyin.
