.png)
BAKI, 12 mart. TELEQRAF
Bu gün Azərbaycanda Ramazan ayının üçüncü Qədr (Əhya) gecəsidir.
Teleqraf xəbər verir ki, bu Qədr gecəsi martın 12-dən 13-ə keçən gecəyə təsadüf edir.
Ramazan ayının axırıncı on gecələrinin birində Quran nazil olub. Bu gecə "leylət al-Qadr" – qüdrətli, əzəmətli gecə adlanır. Quranda bu gecə haqda belə yazılır: "Qədr gecəsi min aydan daha xeyirlidir! O gecə mələklər və ruh Rəbbinin izni ilə hər bir işdən dolayı yerə enərlər. O gecə dan yeri sökülənə kimi salamatlıqdır!" (Qədr surəsi, 3–5)
Ramazan ayının sonuncu Qədr gecəsi martın 16-da olacaq.
Qeyd edək ki, Nazirlər Kabinetinin qərarına əsasən Azərbaycanda Ramazan bayramı martın 20, 21-i qeyd olunacaq.
