Avropa Parlamenti Gürcüstan əleyhinə daha bir qətnamə qəbul edib.
APA xəbər verir ki, 438 deputat sənədin lehinə, 37-si isə əleyhinə səs verib.
Qətnamədə Gürcüstanda "siyasi motivli" həbslər qətiyyətlə pislənilib, "siyasi məhbuslar"ın dərhal azad edilməsi tələb olunub.
Sənəddə həmçinin bu yaxınlarda Gürcüstanda qəbul olunmuş qanunların ləğv edilməsinin zəruriliyi vurğulanıb.
Avropa Parlamenti Avropa İttifaqı və onun üzv dövlətlərini Gürcüstan rəsmilərinə qarşı sanksiyalar tətbiq etməyə çağırıb.
Qeyd edək ki, Gürcüstan hakimiyyəti Avropa Parlamentinin ölkə ilə bağlı qəbul etdiyi qətnamələri əhəmiyyətsiz hesab edir. Parlamentin sədri Şalva Papuaşvili bu gün avroparlamentarilərin Gürcüstanla bağlı təşkil etdikləri müzakirələri "rüsvayçılıq" adlandırıb.
