İsrail ordusunun hesablamalarına görə, son iki gündə Livandan İsrail ərazisinə 300-dən çox raket və dron atılıb.
Sitat.info xəbər verir ki, "The Jerusalem Post qəzetinin məlumatına görə, bu, eskalasiyadan bəri ən böyük hücumlardan biridir.
Hücumlar dalğa şəklində baş verib. Əvvəlcə, 12 mart axşamı Qalileyanın onlarla şəhərində siren səsləri eşidildi. İsrail ordusunun məlumatına görə, Hizbullah 100-dən çox raket atıb. Hava hücumundan müdafiə sistemləri xeyli sayda hədəfi ələ keçirib, lakin 50-dən çox raket və dron İsrail ərazisinə düşüb.
Atəşin intensivliyi gecə ərzində artıb.
Hayfa və onun ətraflarında, Yuxarı Qalileya, Kiryat Şmona ərazisində və İzreel vadisində siren səsləri eşidilib.
Ən çox itki İran raketinin Nazaret yaxınlığındakı Zərzir kəndinə düşməsi zamanı baş verib. Tibb işçiləri 57 itki, o cümlədən ikisinin orta dərəcəli xəsarət aldığını bildiriblər. Üç bina da dağılıb.
Kiryat Tivonda başqa bir birbaşa zərbə qeydə alınıb və burada yaşayış binasına ziyan dəyib. Bu hadisədə heç bir itki qeydə alınmayıb.
Nigar,
Sitat.info
