ain.az, Azertag saytından verilən məlumata əsaslanaraq xəbər yayır.
Bakı, 13 mart, AZƏRTAC
Azərbaycan Milli İncəsənət Muzeyində “Muzeydə mühazirə” layihəsi çərçivəsində “Xalq rəssamı Davud Kazımovun yaradıcılığı” adlı mühazirə dinlənilib.
Bu barədə AZƏRTAC-a muzeydən məlumat verilib.
Bildirilib ki, görkəmli rəssam Davud Kazımovun 100 illiyinə həsr olunan sərgi çərçivəsində təşkil edilən mühazirə Azərbaycan Rəssamlıq Akademiyasının Akademik rəngkarlıq və kompozisiya kafedrasının dosenti, rəssam, sənətşünaslıq üzrə fəlsəfə doktoru Bəxtiyar Yusufovun təqdimatında reallaşıb.
Tədbirdə Akademik rəngkarlıq və kompozisiya kafedrasının müdiri, dosent Ramil Məmmədov, həmin kafedranın baş müəllimi Anar Əliyev çıxış ediblər.
Çıxışlarda görkəmli sənətkarın zəngin yaradıcılıq irsi, əsərlərinə xas bədii üslub xüsusiyyətləri, yaradıcılıq mərhələləri və sərgidə nümayiş etdirilən əsərlər haqqında ətraflı məlumat verilib. Xalq rəssamının oğlu, professor Akif Kazımov isə sənətkarla bağlı xatirələrini dinləyicilərlə bölüşüb.
Sonrakı hadisələr barədə daha çox məlumat almaq üçün ain.az saytını izləyin.
