Albaniya və Xorvatiya Serbiyaya mümkün hücuma hazırlaşır.
Azpost.info bildirir ki, bu sözləri Serbiya Prezidenti Aleksandr Vuçiç Serbiya Radio Televiziyasına (RTS) verdiyi müsahibədə bildirib.
Onun sözlərinə görə, bu ölkələr hərbi ittifaq yaradır və hərəkətə keçmək üçün uyğun anı gözləyirlər.
“Onlar bizə hücum etmək üçün ittifaq yaradırlar. Onlar Rusiya ilə Avropa arasında münaqişənin kəskinləşməsini, eləcə də Yaxın Şərqdə böyük bir müharibənin başlamasını gözləyirlər. Onlar qlobal xaosun onlara bunu etməyə imkan verməsini gözləyirlər”, – Vuçiç müsahibədə bildirib.
Bundan əvvəl Albaniya, Xorvatiya və Kosovo müdafiə əməkdaşlığı haqqında bəyannamə imzalayıblar. Belqrad bunu ölkənin təhlükəsizliyinə potensial təhdid kimi gördüyünü bəyan edib.
