Bu müharibə ərzində İran ilk dəfə İsrailə qarşı “Sacil” ballistik raketindən istifadə edib.
Xezerxeber.az xəbər verir ki, bu barədə İslam İnqilabı Keşikçiləri Korpusu məlumat yayıb.
Qeyd edilib ki, “Doğru vəd 4” əməliyyatı çərçivəsində 54-cü raket zərbələri zamanı “Horremşəhr”, “Heybərşəkan”, “Emad” raketləri ilə bərabər “Sacil” raketindən istifadə edilib.
Qeyd edək ki, İran istehsalı olan bu silahın qiyməti 10 milyon dollardır.
O, maye yanacaqla işləyən “Şahab” ballistik raketlərinin əvəzedicisi kimi bilinir.
Kompozit bərk yanacaqla çalışan “Sacil” “Şahab-3” ortamənzilli ballistik raketindən fərqli olaraq, dəyişən bucaq altında buraxıla bilər.
Hündürlüyü 25 metr olan bu raketin adı farscadan “yetişən çiçək” mənasını verir ki, bu da raketin səmada buraxdığı izlərlə bağlıdır.
İranın hərbi ekspertlərinin fikrincə, bu raket İsrailin hücum etməyə çalışdığı nüvə məntəqəsi (red.- Natzan) ilə Təl-Əviv arasındakı məsafəni 7 dəqiqə ərzində qət edə bilir. 2000 kilometr uçuş məsafəsinə malikdir.
O, məsafə qət etməsindəki sürətinə görə İran və dünyanın ən sürətli raketlərindən biri sayılır.
SEPAH bildirir ki, “yer-yer” tipli bu raket ikimərhələli sturuktura malikdir. Onun ilk sınaq prosesi 2008-ci ildə həyata keçirilib.
