İsrailin Baş naziri Benyamin Netanyahu onun guya öldüyü barədə yayılan şayiələrə münasibət bildirib.
Oxu.Az xəbər verir ki, baş nazir sosial şəbəkələrdə yayılan və saxtalaşdırıldığı iddia edilən videoya reaksiya göstərib.
Daha əvvəl bəzi istifadəçilər Netanyahu-nun əvvəlki videomüraciətində əlində altı barmaq olduğunu iddia edərək görüntülərin süni intellekt vasitəsilə dəyişdirildiyini və müxtəlif sui-qəsd nəzəriyyələrini irəli sürmüşdülər.
Netanyahu isə bu iddialara cavab olaraq bu gün kafedə çəkilmiş yeni video paylaşaraq zarafatla deyib: "Sadəcə ölürəm – qəhvə istəyindən! Xalqım naminə özümü qurban verirəm. Barmaqlarımın neçə dənə olduğunu saymaq istəyirsən?"
Beləliklə, baş nazir sosial şəbəkələrdə yayılan ölüm xəbərlərini və iddiaları istehzalı şəkildə təkzib edib.
