Çinin Müdafiə Nazirliyi Tayvan məsələsi ilə bağlı son açıqlamasında bildirib ki, adanın müstəqilliyi istiqamətində atılan addımlar uğursuzluğa məhkumdur.
Herbiand.az xəbər verir ki, nazirliyin sözçüsü qeyd edib ki, Tayvan məsələsi Çinin əsas milli maraqlarından biridir və bu mövzu ölkənin suverenliyi üçün “qırmızı xətt” sayılır. Rəsmi Pekin ABŞ və digər ölkələrin Tayvana silah satışı və hərbi əməkdaşlığını regionda gərginliyi artıran addım kimi qiymətləndirib.
Açıqlamada həmçinin vurğulanıb ki, xarici dəstək axtararaq “Tayvan müstəqilliyi”ni təşviq etmək cəhdləri nəticəsiz qalacaq və bu cür addımlar regional sabitliyi pozur.
Çin tərəfi bildirib ki, People's Liberation Army hərbi hazırlığını davam etdirəcək və ölkənin suverenliyi ilə ərazi bütövlüyünü qorumaq üçün “qəti tədbirlər görməyə hazırdır”.
Rəsmi Pekin eyni zamanda ABŞ-ı Tayvanla hərbi əməkdaşlığı dayandırmağa çağıraraq xəbərdarlıq edib ki, bu siyasət regionda qarşıdurma riskini artırır.
