Emirates Airlines aviaşirkəti əməliyyat pozuntularından sonra bu gün saat 10:00-da Dubay vaxtı ilə uçuşları bərpa edib. Şirkət ləğv edilmiş uçuşlar üçün sərnişinlərə alternativ variantlar təklif edəcək.
Hafta.az yazır ki, məqsəd tədricən normal əməliyyat proseslərinə qayıtmaqdır və sərnişinlərdən uçuş statuslarını yoxlamaları xahiş olunur.
Bazar ertəsi rəsmi saytında verilən açıqlamada mövcud cədvələ daxil olan bəzi uçuşların ləğv edildiyi açıqlanıbı. Şirkət ləğvlərdən təsirlənən sərnişinlərlə birbaşa əlaqə saxlayacağını bildirib.
Ləğv edilmiş uçuşlar barədə məlumatlandırılacaq müştərilərə yenidən bron etmək üçün uyğun variantlar təklif olunacaq. Emirates rəsmiləri əməliyyat pozuntularının yaratdığı narahatlığa görə sərnişinlərdən üzr istəyib.
Səyahət planları pozulmuş sərnişinlər üçün narahatlığı aradan qaldırmaq üçün sürətli bron sistemləri tətbiq edilib. Sərnişinlərə bilet statuslarını Emirates veb saytı və ya mobil tətbiqi vasitəsilə real vaxt rejimində izləmələri tövsiyə olunur.
