Kreml İranın yeni Ali Rəhbəri Müctəba Xameneyinin müalicə üçün gizli şəkildə Moskvaya aparıldığı barədə xəbərlərə münasibət bildirməkdən imtina edib.
Kremlin mətbuat katibi Dmitri Peskov Müctəba Xameneyinin yaralandıqdan sonra xüsusi reyslə Moskvaya gətirilməsi barədə yayılan xəbərlərə münasibət bildirməyib.
“Biz bu cür xəbərlərə şərh vermirik”, – Kremlin sözçüsü bildirib.
Qeyd edək ki, Küveyt mediası Müctəba Xameneyinin Moskvada Prezident Administrasiyasının xəstəxanalarından birində müalicə alması barədə məlumat yayıb.
