Berlin hava limanına uçuşlar 18 mart tarixində dayandırılacaq. Hava limanı rəhbərliyi bütün uçuş və enişlərin ləğv edildiyini və terminalların boş olacağını təsdiqləyib.
Musavat.com xəbər verir ki, bu barədə hava limanının "X" sosial media hesabında verilən açıqlamada bildirilib.
Berlin Brandenburq Hava Limanı sabah heç bir planlaşdırılan uçuşu qəbul etməyəcək.
Qərar dövlət sektorunda və nəqliyyat sənayesində çalışan işçiləri təmsil edən Almaniya həmkarlar ittifaqı Verdi tərəfindən elan edilən tətillə əlaqədardır.
Tətil təkcə pilotlara və stüardessalara deyil, həm də hava limanının işçilərinə təsir edəcək.
Buna görə də, aeroport rəhbərliyi sərnişinlərdən rəsmi olaraq hava limanına gəlməməyi xahiş edib.
Tətil həmkarlar ittifaqı ilə dövlət sektorunda işəgötürənlər arasında əmək mübahisəsi fonunda elan edilib. Tərəflər işçilər üçün daha yüksək əmək haqqı və iş şəraiti ilə bağlı danışıqlar aparırlar.
Verdi bildirib ki, danışıqların ikinci mərhələsi zamanı işəgötürənlər həmkarlar ittifaqı danışıqlar komitəsinin qəbuledilməz hesab etdiyi şərtlər təklif ediblər.
Güzəştin olmaması səbəbindən tərəflər razılığa gələ bilməyiblər və bu da tətilə səbəb olub.
Musavat.com
