Bakı Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Anar Həsənzadənin (soyadı şərtidir) cinayət işi üzrə məhkəmə iclası keçirilib.
Pravda.az-ın əldə etdiyi məlumata görə, hakim Firdovsi Əliyevin sədrliyi ilə keçirilən prosesdə hökm oxunub.
Məhkəmənin hökmü ilə ona şərti cəza verilib.
İttihama görə, hadisə 01 sentyabr 2025-ci il tarixdə saat 17 radələrində Sabunçu rayonu, Ramana qəsəbəsi, Südçülük Sovxozu ərazisində yerləşən nömrəsiz fərdi evin həyətində qeydə alınıb.
Belə ki, Anar Həsənzadə bacısı M.M. (adı, soyadı şərtidir) ilə həmin ünvanda faktiki nikah münasibətində yaşayan zərərçəkmiş Şamxal Məhərrəmov (soyadı şərtidir) ilə mübahisə edib. Mübahisə zamanı zərərçəkmiş qadının üzərinə daş parçası atıb. Bu da vəziyyəti daha da gərginləşdirib.
Sonra Anar hadisə yerindən götürdüyü dəmir parçası ilə Şamxala bir neçə dəfə zərbə endirib. Nəticədə zərərçəkmiş şəxs müxtəlif bədən xəsarətləri alıb. Ona alın nahiyəsində qançır, hər iki said və baldır nahiyələrində, həmçinin sağ dirsək və sağ diz oynağı nahiyələrində sıyrıqlar kimi sağlamlığa zərər vurmayan xəsarətlər yetirilib.
Bununla yanaşı, Anara baş beyinin yüngül dərəcəli əzilməsi ilə müşayiət olunan sol təpə nahiyəsinin əzilmiş-cırılmış yarası və həmin nahiyədə sol təpə sümüyünün basılmış sınığı kimi həyat üçün təhlükəli olan ağır bədən xəsarətləri də yetirilib. Məhkəmə-tibbi ekspertizasının rəyinə əsasən, bu xəsarətlər zərərçəkmiş şəxsin sağlamlığına ağır zərər vurma kimi qiymətləndirilib.
Anar Həsənzadənin barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham irəli sürülüb.
Cinayət işinin məhkəmə baxışı zamanı o, elan olunmuş ittiham üzrə özünü tam təqsirli bildiyini deyib.
Kamal Məmmədov
