Bakı, 18 mart, AZƏRTAC
İsrail ordusu (SAXAL) Fələstinin HƏMAS hərəkatının təchizat bölməsinin rəhbəri Yəhya Əbu Labdanın öldürüldüyünü iddia edib.
AZƏRTAC xəbər verir ki, Yəhya Əbu Labda HƏMAS üçün hərbi avadanlıq və silahların alınması və daşınmasına cavabdeh idi. İsrail ordusunun məlumatına görə, o, raket istehsalı üçün onlarla ton xammalın və hərəkatın istehsal imkanlarını gücləndirmək üçün qabaqcıl elektron komponentlərin Qəzzaya çatdırılmasını təmin edib.
