İranın yeni ali lideri Müctəba Xamenei nüvə silahları mövzusunda mövqeyini açıqlamayıb.
Redaktor.az xəbər verir ki, bu barədə İranın xarici işlər naziri Abbas Əraqçi “Əl-Cəzirə” telekanalına verdiyi açıqlamada bildirib.
Əraqçi mərhum Ali Rəhbər Ayətullah Əli Xameneinin nüvə silahlarını qadağan edən fətvası və ya dini fərmanı ilə bağlı şərhində vurğulayıb ki, “İranın nüvə doktrinası dinc xarakter daşıyır və biz həmişə dinc nüvə enerjisindən faydalanmaq hüquqlarımızdan istifadə etməyə çalışmışıq”.
O əlavə edib: “Bildiyiniz kimi, fətva onu verən şəxsdən asılıdır. Yeni liderin bu məsələ ilə bağlı hüquqi və ya siyasi mövqeyinin necə olacağını hələlik mühakimə edə bilmərəm. Məncə, bu, əvvəlki siyasətimizdən çox da fərqlənməməlidir, amma onun fikirlərindən xəbərdar olana qədər gözləməliyik”.
Əraqçi həmçinin bildirib ki, İran dəfələrlə nüvə silahı əldə etmək niyyətində olmadığını vurğulayıb. Qeyd olunur ki, Əli Xameneinin nüvə silahının hazırlanmasını qadağan edən fətvası 2003-cü ildən qüvvədədir.
Aminə ŞAHSUVARQIZI
