ABŞ Federal Ehtiyat Sistemi (FED, ABŞ Mərkəzi Bankı) faiz qərarını açıqladı.
Gözlənildiyi kimi, FED faizlərini 3.50%-3.75% aralığında saxladı.
Bazarlar FED-in nə bu iclasda — və ya yaxın gələcəkdə heç bir iclasda — faiz endirimi etmə ehtimalını sıfır qiymətləndirirdilər. Qiymətləndirmələr göstərir ki, FED faiz endirməyi ən erkən sentyabrda, daha çox ehtimalla oktyabrda nəzərdən keçirə bilər və o zaman da bu il yalnız bir dəfə endirim edə bilərlər.
İran müharibəsini, inflyasiyanın artması ehtimalı və əmək bazarından gələn qarışıq siqnallar FED-i gözləməyə məcbur edir.
Müharibədən əvvəl də investorlar bu iclasda faiz endirimi gözləmirdilər. Onlar, FOMC-nin iyunadək gözləyəcəyini, sonra ilin sonuna qədər ən az bir dəfə endirim edəcəyini düşünürdülər (CME Group-un FedWatch qiymətləndirmələrinə görə).
Lakin İrana hücumlar, onların neft və inflyasiyaya təsiri bazarın hesablamasını dəyişib.
FED-in inflyasiya hədəfi 2%-dir. Artıq bir neçə ildir ki, bu hədəfdən uzaqdadır.
Donald Tramp uzun illər mərkəzi banka, xüsusən FED sədri Cerom Pauelə faizləri azaltması üçün təzyiq göstərib. Bazar ertəsi mediaya açıqlamasında Tramp sədrə hücum edərək, xüsusi iclas çağırmalı olduğunu bildirib.
O deyib: “Faizləri endirmək üçün daha yaxşı vaxt nədir? Üçüncü sinif şagirdi bunu bilərdi.”
