ABŞ-ın milli borcu tarixdə ilk dəfə 39 trilyon dolları keçib. 38 trilyon dollarlıq həddi 2025-ci ilin oktyabr ayının sonunda aşıb, 37 trilyon dollarlıq həddə isə həmin ilin avqust ayında çatıb.
Herbiand.az xəbər verir ki, bu barədə ABŞ Maliyyə Nazirliyinin 18 mart çərşənbə günü açıqladığı məlumatlarda deyilir.
Bu misli görünməmiş səviyyə, vergilərin azaldılması, müdafiə xərclərinin artırılması və immiqrasiya qanunvericiliyinin maliyyələşdirilməsinə istinad edərək, hazırkı Donald Tramp administrasiyasının ziddiyyətli prioritetləri ilə izah olunur.
Hökumət Hesabatlılığı Ofisinin məlumatına görə, artan milli borc amerikalılar üçün ipoteka və avtomobil kreditləri üzrə daha yüksək faiz dərəcələri, bizneslərin maliyyə resurslarının azalması səbəbindən aşağı əmək haqqı və mal və xidmətlərin qiymətlərinin artması deməkdir.
