Əməkdar artist Manana Çaparidze vəfat edən Gürcüstan Patriarxı II İliya ilə bağlı təsirli paylaşım edib.
BAKU.WS xəbər verir ki, sənətçi şəxsi İnstaqram hesabında toyunda və tədbirlərdə II İliya ilə çəkilən fotolarını paylaşıb.
O Gürcüstan Patriarxının vəfatı ilə bağlı bütün gürcüstanlılara başsağlığı verib.
"Bütün Gürcüstan xalqına, qardaş və bacılarıma, bu böyük itki ilə, bütün Gürcüstanın Katolikos-Patriarxı, Qanun II İliyanın vəfatı ilə bağlı, dərin hüzünlə başsağlığı verirəm. Bu elə bir itkidir ki, onu heç nə ilə doldurmaq mümkün deyil.
Onun nümunəvi həyat yolu insanlara düzgün olanı göstərməsini, xeyirxahlığı, mərhəməti və bağışlamasını təbliğ edir müqəddəs bir insan…
Allaha şükür edirəm ki, mənə bu böyük qəlbli və yüksək keyfiyyətlərə malik insanla şəxsi münasibətdə olmaq xoşbəxtliyi nəsib oldu. Onun baxışı, diqqəti, səmimi və isti dinləmə, bütün bunlar ömür boyu qəlbimdə yaşayacaq".
Xatırladaq ki, Gürcüstanın Katolikos-Patriarxı II İliya 93 yaşında müalicə aldığı xəstəxanada dünyasını dəyişib.
Bu barədə "Mtavari Arxi" televiziya kanalı məlumat yayıb. Gürcüstanın Katolikos-Patriarxı Müqəddəs II İliya ötən gün Müqəddəs Üçlük Kafedralında dəfn olunub.
