Rusiya Xarici İşlər Nazirliyi Livanın cənubunda RT televiziya heyətinin raket atəşinə tutulması ilə bağlı İsrailin Moskvadakı səfiri Oded Yosefə etiraz bildirib.
Redaktor.az xəbər verir ki, bu barədə Rusiya XİN məlumat yayıb.
Bildirilib ki, Rusiya hadisənin baş vermə halının hərtərəfli araşdırılmasını və gələcəkdə bu cür halların qarşısının alınmasını tələb edib.
***
12:28
İsrail səfiri Rusiya Xarici İşlər Nazirliyinə çağırılıb.
Redaktor.az xəbər verir ki, səfirin RT-nin jurnalisti Stiv Suininin Livanın cənubunda İsrail atəşi nəticəsində yaralanması ilə əlaqədar Rusiya XİN-ə çağırıldığı bildirilib.
Qeyd edək ki, dünən RT-nin Livan bürosunun rəhbəri Stiv Suini və onun operatorunun efir zamanı raket hücumuna məruz qaldığının görüntüləri yayılıb.
Görüntüdə raketin jurnalistdən bir neçə metr aralıya düşdüyü əks olunub.
